من روائع الشاعر الكبير
ثابت عوض اليهري
شفـت الشمـس بعـد المـغـرب
لا كـذبـه ولا فـزوره
وابصـرت القمـر جانبهـا
بـينافـس ضياهـا نــوره
هذه الشمس هي انسانـه
مـن طيـن ومـاء معصـوره
مـن عيـن الحسـد حوطها
بالقـرآن سـوره سـوره
يـوم اتـلألأت قـدامـي
دارت بـي كـريـتـر دوره
مـن ذاك الجمـال النـادر
مـن نوعـه فـي المعـمـوره
شفت الكون ضيق حولي
شفت الأرض ماهي كوره
ضيعت الحواس الخمسه
وابصرت السماء مشطـوره
فيـهـا حـسـن خلـقـة خـالـق
لا بــودر ولا حـامـوره
هــذه لـؤلـؤة أو درة
أو ألـمـاســه أو بـلـوره
قالـو تعرفي مــن هــذا
قـالـت ماعـرفـه مـعـذوره
لـمـا عـرفـوهـا عـنــي
حـسـيـت انـهـا مـســروره
مـن جـانـب وجـانـب آخـر
كـانـت ربـمـا مـكـدوره
فهيـا معجبـه باشـعـاري
لـكـن ماعجبتـهـا الصـوره
قالـت مـا اصـدق نفـسـي
هــذا الشـاعـر الأسـطـوره
اللـي كلمتـه واشرطتـه
فــي كـل اليـمـن محـظـوره
قالـت كيـف حـال الشاعـر
قـلـت العافـيـه مـوفـوره
والأيـام ذا طابعـهـا
شـي زيـنـه وشـي مـدبـوره
كانـت فـي ثـقـه تتكـلـم
كلـمـه فــي الحـيـاء معـثـوره
كلـمـه ناضـجـة جملتـهـا
روس اقـلام فـي سـبـوره
النظـره تسـاوي منهـا
وصفـة طـب مـن دكـتـوره
والكلمه عسل جرداني
صافي مـن رحيـق زهـوره
علـيـا بالسـمـاء قامتـهـا
هـي شـلال هـي نـافـوره
تخجـل مـن يناظـر فيهـا
وتغمش عــدس نـاظـوره
يتمـثـل رؤى عينـيـهـا
بـعـيـون الـمـهـا الـمـذعـوره
مـامـثـل الـقـلـم واللـسـنـه
إلا ابهـامـهـا وظـفــوره
ريـح الـفـل ريــح الـكـاذي
تنـفـح منـهـا مخـمـوره
نسنسـهـا نسـيـم كريـتـر
واستنشقـتـه المنـصـوره
ليلـة قـدر بالنسبـه لـي
فـي لحـظـة لـقـاء محـصـوره
لحظـه هيـجـت وجـدانـي
واحسـاسـي بـهـا مـأثـوره
واللـي مـاخـطـر فـي بـالـي
إن الـحـلـوه الأمــوره
تتأسـف وتتعذر لـي
فـي الوقـت اللـي هي مشكـوره
فجأه جات وفجأه راحت
قل هـذه عصـا مسحـوره
والهاجس بدأ بيعبر
عـن ثابـت عـوض وشعـوره
ثـارت دهشـتـي واعجـابـي
رسـمـة وردة العنـبـوره
واتمنـيـت لانـا عصـفـور
احـلـق مــع العـصـفـوره
مـن وادي يهـر ياطيـره
طيـري لا عـدن مجـبـوره
روحي روحي لي روحـي
روحـي عندهـا مأسـوره
من ارضي ومسقط راسي
ذي في بنها مشهـوره
اسمـى امنـيات الشـاعـر
شليـهـا الـى المـذكـوره ..
