حيا الله اللي له في القلب توطيـن
ابـو مقامـن آيتـن فالجمـالـي
حبه بقلبي له من الشوق تمكيـن
سبحان ربي حـط فيـه الكمالـي
ما شفت مثله في حلات المزاييـن
ولا أعتبر مثله عزيـزن وغالـي
حبه ماهو كذبن ولاهوب تخميـن
حبه اصيل امعمقـن فـي حياتـي
ما يفرقه عني عذولـن ولا شيـن
ولا يفرقه عنـي طعـون الليالـي
ولاغاب عني تحتويني التحازيـن
ما أقوى غيابه وانتظر له لحالـي
انطر محياته بحينـن ورى حيـن
شوفته عندي مثل نجمـن يلالـي
يا عيني ابكي من غيابـه وهليـن
ولا تجعلي زوله يفـارق خيالـي
ويا روحي ابقي من صميمك تنادين
لعـل زول احبيـبـي ينتحـالـي
أعوذ بالله من شـرور الشياطيـن
فـي غيبتـه ولا يصيبـه ظلالـي
لو صابه المكروه ويـن المناديـن
وآنا بعيد الخطوة ضيـق مجالـي
لو صابه المكروه مالـه معاويـن
آخـاف يتضـرر وينهـز بـالـي
ان شاء الله الماضي يعود لذلحـي
ونكون بأحسن حال رغم العذالـي
وترجع محبتنا ويهنى بـي الزيـن
ونعيش بأحـلا أيامنـا والليالـي
ابيه يرجع لي ولو بعـد حوليـن
وأعطيه من روحي ومالي وحالـي
